Fundi i një epoke! “Apple” nuk do të prodhojë më iPod

Apple ka njoftuar se do të ndërpresë riprodhimin e “iPod Touch”, duke i dhënë fund një pajisjeje të vlerësuar gjerësisht, për revolucionarizimin e mënyrës sesi njerëzit dëgjojnë muzikë.

iPod-i i parë erdhi  në vitin 2001, ai mund të ruante 1000 këngë ndërsa sot ka më shumë se 90 milionë këngë në shërbimin e transmetimit të Apple.

“iPod Touch” u projektua nga i njëjti ekip që më vonë shpiku iPhone, i cili shpejt e la në hije iPod-in.

Kompania  “Apple”  përditësoi për herë të fundit iPod-in në vitin 2019.

Ka pasur modele të ndryshme iPod gjatë viteve – duke përfshirë “Nano” dhe “Shuffle” – por “iPod Touch”, i cili u prezantua  në 2007 është modeli i fundit.

Kompania kaliforniane “Apple”  thotë se ai do të mbetet i disponueshëm për ta blerë  derisa të jenë në dispozicion në rezerva të pajisjes.