Franca apo Maroku, kush do t’i bashkohet Argjentinës në finale?

Franca dhe Maroku do të ndeshen me njëra-tjetrën në sfidën e fundit gjysmëfinale të Botërorit të Katarit, në orën 20:00, në stadiumin “Al Bayt”.

Fituesi i kësaj përballjeje do të ndeshet në finalen e madhe të 18 dhjetorit me Argjentinën dhe të dyja ekipet nuk duan ta humbasin.

“Gjelat” kërkojnë të ruajnë titullin kampion, gjë që nuk ndodhte që nga viti 1962, kur Brazili i Peles u shpall për të dytën herë radhazi kampione Bote.

Nga ana tjetër, Maroku e ka shkruar tashmë historinë për kombet afrikane, duke u bërë e para kombëtare nga Afrika që arrin në gjysmëfinalet e Botërorit, por skuadra e Regraguit është “e uritur” për më shumë dhe kërkon të shokojë dhe njëherë botën, kësaj radhe duke shkuar në finale.