Europol po zbërthen dy aplikacione të koduara

Jo vetëm Sky ECC dhe Encrochat, efektivët e Policisë së Shtetit dyshohet të kenë patur komunikime me elementët kriminal edhe në dy aplikacione të tjera, që po zbërthehen nga Europol.

Lajmin e dha ministri i Brendshëm Taulant Balla i cili tha se çdo efektiv do vetëdeklarojë nëse ka patur akses dhe në këto platforma komunikimi.

Duke u ndalur tek lufta ndaj krimit, Balla vuri theksin tek pasuritë e konfiskuara, që sipas tij tashmë nuk do dalin më në shitje por do përdoren nga vetë shteti.

Deklaratat e ministrit të Brendshëm u dhanë pas përfundimit të tryezës së diskutimit të thirrur nga ministri i Drejtësisë, Ulsi Manja, ku ky i fundit prezantoi projektin e strategjisë ndërsektoriale për mbrojtjen e viktimave nga krimi.