Elon Musk ofron 25 mijë $ shpërblim për ata që mund të hakojnë “Starlink”.

Themeluesi i kompanisë SpaceX, Elon Musk, i ka bërë thirrje hulumtuesve dhe specialistëve të sigurisë në internet, që të hakojnë rrjetin e tij satelitor të internetit ”Startlink”, duke ofruar shpërblim prej 25 mijë $ për ata që ia arrijnë qëllimit.

Musk premtoi shpërblimin e majmë për ata që arrijnë të gjejnë një mënyrë që të hakojnë Starlinkun, dhe  ta raportojnë në kompaninë “SpaceX”.

Kompania  e raketave dhe dërgimit  e mallrave në hapësirë, satelitë dhe astronautë –   ofron shërbime të internetit satelitor përmes rrjetit Starlink.

Javën e shkuar  nisën  të qarkullojn lajmet se një modchip i lirë, mund të përdoret për hakimin e Dishy të Starlinkun që shkakton dëmtim, dhe që hakerëve u mundëson qasje në pjesë të caktuara të sistemit.

Raportimet citojnë që ky modchip i prodhuar nga pjesë të gatshme mund të montohet , por edhe t’i japë  qasje hakerit në të dhëna.