E mohoi kategorikisht,por Johnny Depp duket se do të rikthehet si Jack Sparrow!

Johnny Depp do të rikthehet në “Pirates Of The Caribbean” në rolin e kapitenit Jack Sparrow – pesë vjet pas filmit të fundit.

Edhe pse e mohoi kategorikisht në gjyqin kundër ish-bashkëshortes Amber Heard,duket se ai do ta bëjë sërish rolin e piratit të famshëm Jack Sparrow.

Depp, i cili luajti në të pesë filmat e mëparshëm, është planifikuar për një xhirim provë në Mbretërinë e Bashkuar në shkurt, sipas një fletë-thirrjeje të re nga produksioni.

Burimet thanë se titulli i filmit të ri, i realizuar nga Disney, ishte “A Day At The Sea”.

“Johnny pritet të bëjë një xhirim provë në fillim të shkurtit përpara se prodhimi i filmit të fillojë plotësisht”, theksoi burimi.

“Të gjitha detajet e tjera po mbahen të fshehura. I gjithë projekti është i mbuluar me fshehtësi dhe Disney dëshiron të mbajë gjithçka të fshehtë sa më mirë që mundet”, tregoi më tej burimi për britaniken “The Sun”.