E cilësuar si “gruaja më e bukur në botë”, ndërron jetë ylli i kinematografisë italiane Gina Lollobrigida

Ka ndërruar jetë në moshën 95 vjeçare aktorja e njohur italiane, Gina Lollobrigida. Një protagoniste e madhe e kinemasë italiane, Lollobrigida kreu një ndërhyrje kirurgjikale në kofshë shtaorin e kaluar.

Gjatë viteve 1950 dhe 60, Lollobrigida që njihe si gruaja më e bukur në botë, ishte një nga aktoret më të dashura dhe luajti në një numër të madh filmash evropianë dhe amerikanë bashkë me shumë protagonistë të tjerë të Hollivudit asokohe.

E lindur në vitin 1927 në Subiaco, në malet në lindje të Romës, ajo ishte vajza e një prodhuesi mobiljesh. Në vitet e saj të adoleshencës ajo mori pjesë në konkurse bukurie dhe në vitin 1947 u rendit e treta në konkursin “Miss Italia”. Në formularin e saj të hyrjes në atë konkurs, ajo shkroi se kishte një talent për aktrim dhe se donte të bënte diçka serioze me aftësitë e saj.

Pas një sërë rolesh në filmat evropianë, ku u vlerësua me disa çmime, ishte filimi Beat the Devil në vitin 1953 me Humphrey Bogart që i solli famë ndërkombëtare dhe miliona admirues në mbarë botën.