Deri më 31 korrik afati i regjistrimit për klasat e para e të dhjeta

Data 31 korrik është afati i fundit për regjistrimin e nxënësve të klasave të para e të dhjeta përmes e-Albania.

Lajmin e ka bërë të ditur ministrja e Arsimit, Evis Kushi përmes një postimi në rrjetet sociale.

Procesi i regjistrimit ishte ndërprerë prej 4 ditësh në e-Albania, për shkak të një sulmi kibernetik, për të cilin Agjencia Kombëtare e Informacionit (AKSHI), pretendon se është kryer nga jashtë vendit.

Ditën e sotme, e-Albania ka rikthyer në funksion 1118, nga 1225 shërbimet elektronike që ofron për qytetarët shqiptarë.

Dje u njoftua nga Kryeminstria, se faqet online të ministrive dhe sistemi i fiskalizimit tashmë janë funksionale.