COVID-19, 65 qytetarë të infektuar, asnjë humbje jete në 24 orë

Nga 485 testime të bëra në 24 orët e fundit, 65 qytetarë rezultuan të infektuar me COVID-19.

Asnjë person nuk ka humbur jetën, ndërsa 33 qytetarë janë shëruar duke e çuar numrin e të shëruarve që prej fillimit të pandemisë në   272 769.

Aktualisht 4 pacientë po marrin trajtim në spital. 317 persona janë me COVID në gjithë vendin.

Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve.

“Çdo qytetar mbi 12 vjeç, mund të vaksinohet në qendrat shëndetësore,” – thuhet në njoftimin e ministrisë.