Çështjet ligjore ndaj tij/ Trump shkarkon avokatët e departamentit të drejtësisë që e ndoqën penalisht

Administrata e presidentit amerikan Donald Trump ka shkarkuar më shumë se një avokatë të departamentit të drejtësisë, të cilët kanë punuar në dy çështje penale kundër tij.

Ata u shkarkuan pasi prokurori i përgjithshëm në detyrë James McHenry arriti në përfundimin se nuk mund t’u besohej zbatimi besnik i agjendës së presidentit për shkak të rolit të tyre të rëndësishëm në ndjekjen penale të presidentit, sipas  një zyrtari të departamentit për partnerin amerikan CBS News.

Shkarkimet hyjnë në fuqi menjëherë ditën e hënë.

Smith u emërua si këshilltar special në vitin 2022 për të mbikëqyrur dy rastet e departamentit të drejtësisë për Trump. Presidenti ishte zotuar se do ta shkarkonte atë “brenda dy sekondave” nga marrja e detyrës, por ai dha dorëheqjen përpara inaugurimit të tij.

Por çështjet u mbyllën pas fitores së tij në zgjedhjet e nëntorit. Prokurorët shkruan se rregulloret e departamentit të drejtësisë nuk lejojnë ndjekjen penale të një presidenti në detyrë.

“Shkarkimi i prokurorëve për shkak të rasteve që ata janë caktuar për të punuar është thjesht e papranueshme. Është kundër sundimit të ligjit, është antidemokraci.”tha ish-prokurorja amerikane Joyce Vance për mediat amerikane.