Camilla bëhet zyrtarisht “mbretëreshë”, kjo është ftesa zyrtare për kurorëzimin e Charles

Përgatitjet janë të ethshme në Britaninë e Madhe për ceremoninë e kurorëzimit të mbretit Charles dhe mbretëreshës Camilla më 6 maj.

Mbretëresha Elizabeth mund ta ketë quajtur Camilla “Queen Consort” në fjalimin e saj të fundit gjatë festimeve të Jubileut V të Platinumit, por ka ardhur momenti kur për herë të parë ajo vetë merr titullin e saj tashmë zyrtar, me vendim të mbretit Charles, i cili ka nevojë për të si një mbretëreshë.

Pak më parë u bë publike ftesa zyrtare e kurorëzimit, e cila do t’u dërgohet 2000 personaliteteve në mbarë botën, të cilët do të përbëjnë kongregacionin e asaj dite në Westminster Abbey ku do të zhvillohet ceremonia.

Ftesa e kurorëzimit është projektuar nga Andrew Jamieson, një artist dhe ilustrues heraldik, puna e të cilit është frymëzuar nga temat kalorësiake të legjendës Arthuriane. Kjo nuk është hera e parë që një artisti i kërkohet të dizenjojë diçka për familjen mbretërore dhe kjo pasi ai i përket stafit të Crown Office.

Puna origjinale e ftesës është pikturuar me dorë me bojëra uji dhe dizajni do të riprodhohet dhe printohet në karton të ricikluar, me detaje fletë ari.

Forma e Njeriut të Gjelbër u zgjodh si motiv qendror në dizajn, një figurë e lashtë nga folklori britanik, që simbolizon pranverën dhe rilindjen. Forma e Njeriut të Gjelbër, e kurorëzuar në gjeth natyral, është formuar nga gjethet e lisit, dredhkës e fikut dhe lulet emblematike të Mbretërisë së Bashkuar.

Një luan, një njëbrirësh dhe një derr – të marra nga stemat e Monarkut dhe babait të Madhërisë së Saj, Major Bruce Shand – janë vendosur midis luleve.

Ndërsa numërimi mbrapsht për kurorëzimin vazhdon, një foto e re e Mbretit dhe Mbretëreshës është publikuar nga Pallati Buckingham. Çifti mbretëror u fotografua nga fotografi mbretëror Hugo Bernand në Pallatin Buckingham.