“Bullet Train” filmi më fitimprurës i momentit që sjell në ekranin e madh Brad Pitt!

“Bullet Train”, filmi i mbushur me skena aksion ku rolin kryesor e luan aktori, Brad Pitt, arriti t’i arkëtojë 30 milionë $ në javën e parë të shfaqjes në Shtetet e Bashkuara të Amerikës, dhe 32.5 milionë $ ekstra nga shitje e biletave nëpër kinematë ndërkombëtare.

Projekti i studios “Sony Pictures”, i cili është realizuar me një buxhet prej 90 milionë $, ka arritur që ta shënojë një debutim të mirë me arkëtimin e gjithsej 62.5 milionë$.

“Bullet Train” rrëfen historinë e vrasësit profesionist, Ladybug, i cili dëshiron të heqë dorë nga jeta e krimit, por tërhiqet sërish në situata të komplikuara dhe të rrezikshme nga personi që e ka stërvitur, Maria Beetle, në mënyrë që ta marrë një çantë një tren të  shpejtë i cili udhëton nga Tokyo për në Morioka.

Por, ai e gjen veten të ngatërruar në një prej betejave më të vështira të jetës, pasi e kupton se treni është i mbushur me vrasës të tjerë profesionist të cilëve u është dhënë i njëjti urdhër.