“Blonde” një tjetër ekranizim për ikonën Marylin Monroe!

 Aktori i njohur amerikan, Adrien Brody, thotë se parashikon që filmi i ri biografik për ikonën Marilyn Monroe, i cili vjen i realizuar nga platforma digjitale Netflix, do të shkaktojë polemika në publik pasi te shfaqet.

Me regji të Andrew Dominik, filmi është  bazuar në romanin e autores, Joyce Carol Oates.

Filmi  i ardhshëm i titulluar “Blonde” përshkruhet si një tregim i cili e ri-imagjinon ikonën e Hollywoodit, dhe i përzien ngjarjet e bazuara mbi fakte me ato të trilluara.

(Ana De Armas si Marylin Monroe)                                                                                                                (Adrien Brody si Arthur Miller)

Duke folur për portalin “Deadline”, Brody, i cili  në këtë projekt e portretizon bashkëshortin e Monroes, dramaturgun Arthur Miller, bëri shaka duke thënë do të ketë polemika të shumta rreth filmit biografik.

Krahas yllit latin, Ana de Armas, e cila  portretizon ikonën  Marilyn Monroe, në film po  luajnë edhe aktorët, Bobby Cannavale, Julianne Nicholson, Xavier Samuel dhe Evan Williams.

“Blonde” publikohet në Netflix më 3 shtator të këtij viti.