Bien lejet e ndërtimit, rriten sipërfaqet

Tremujori i tretë i vitit 2024 ka shënuar një rënie të numrit të lejeve të ndërtimin të dhëna nga autoritetet.

Sipas INSTAT nga Korriku deri në Shtator janë miratuar gjithsej 354 leje ndërtimi për ndërtesa të reja, nga 361 leje të miratuara në tremujorin e tretë 2023, duke shënuar një ulje prej 1,9 %.

Por ndërsa numri i lejeve ka rënë, sipërfaqja e ndërtimit është rritur. INSTAT raporton se sipërfaqja e lejeve të ndërtimit miratuar për ndërtesa të reja, në tremujorin e tretë 2024 është 814.340 m², nga 455.181 m² miratuar në tremujorin e tretë 2023, duke shënuar një rritje prej 78,9 %.