Beyonce nuk u ndahet stilistëve shqiptarë

Beyonce është pa dyshim admiruese e stilistëve shqiptarë dhe këtë e dëshmon fakti që në videon e fundit për “Tiffany & Co.”, diva ka zgjedhur pikërisht një krijim nga Lena Berisha, stilistja e famshme nga Prizreni.

Queen B ka shkëlqyer me fustanin e argjendtë, i cili kishte zinxhirë me gurë të çmuar, të varur që përqafonin në mënyrë perfekte siluetën e saj.

Sigurisht, nuk është hera e parë që Bey ka zgjedhur stilistët shqiptarë, pasi edhe Valdrin Sahiti, Kujta & Meri, si dhe Nensi Dojaka e kanë prezantuar denjësisht, me shumë stil, finesë dhe trasgresivitet Beyonce-n.