Bëhet sërish e dukshme përqindja e baterisë në krye të telefonit. “Apple” e konfirmon!

Përqindja e baterisë në telefonat e gjigantit teknologjik, “Apple”, do të rikthehet te telefonat e rinj të kompanisë.

Kjo  është bërë e ditur me prezantimin  e versionit beta 5 të sistemit operativ iOS 16.

Që nga viti 2017, me prezantimin  e iPhone X, u hoq mundësia që përdoruesit ta shohin përqindjen e baterisë në faqen kryesore të ekranit.

Këtë mund ta bënin vetëm duke “tërhequr” atë që njihet si Qendër Kontrolli.

Me prezantimin  e sistemit të ri operativ, kjo ndryshon.Tani, përdoruesit mund të hyjnë në “Settings-Battery” dhe të zgjedhin opsionin e shfaqjes së përqindjes.

Modelet qe do te ndikohen nga ky ndryshim jane:  iPhone 13 Pro Max • iPhone 13 Pro • iPhone 13 • iPhone 12 Pro Max • iPhone 12 Pro • iPhone 12 • iPhone 11 Pro Max • iPhone 11 Pro • iPhone XS Max • iPhone XS  • iPhone X