BE-ja miraton përdorimin e vaksinës kundër lisë së majmunëve

Komisioni Evropian ka miratuar përdorimin e vaksinës së lisë kundër lisë së majmunëve.  Ky vendim erdhi pasi OBSH e shpalli linë e majmunëve emergjencë shëndetësore globale.

“Komisioni Evropian ka zgjatur autorizimin e vaksinës së kompanisë për linë, Imvanex, për ta përfshirë në mbrojtjen kundër lisë së majmunëve”, në linjë me rekomandimin e vëzhguesit shëndetësor të BE-së, tha kompania Bavarian Nordic.

“Miratimi vlen për të gjitha shtetet anëtare të Bashkimit Evropian si dhe në Islandë, Litenshtajn dhe Norvegji”, tha kompania.

Më 23 korrik, OBSH-ja e shpalli linë e majmunëve emergjencë shëndetësore globale.

Nga lia e majmunëve deri më tani janë prekur 16.000 persona në 72 shtete të botës.