Bashkia Tiranë vijon investimet në sinjalistikë, semaforë LED edhe në rrugën “Sami Frashëri. Veliaj: Më shumë ndriçim, më shumë kursim

Krahas rehabilitimit të sinjalistikës dhe vijëzimeve në disa rrugë të Tiranës, ekipi i mirëmbajtjes së rrugëve është kujdesur për vendosjen e semaforëve të rinj edhe përgjatë rrugës “Sami Frashëri”.

Pëmes një postimi në rrjet sociale, kryebashkiaku Erion Veliaj shprehet se ndriçimi i ri është më efikas. “Më shumë ndriçim, më shumë kursim! Investimi më i ri te📍 rruga “Sami Frashëri” janë semaforët LED🚦; estetikë, efektiv dhe më të dukshëm për përdoruesit e automjeteve dhe kalimtarët.

Super”, shkruan Veliaj. Më parë këta semaforë kanë qenë inkandeshentë, ndërsa tani, falë investimit të Bashkisë, po ndërrohen të gjithë në LED, për të patur shikueshmëri më të mirë dhe për të krijuar më shumë lehtësi për këmbësorët, çiklistët dhe shoferët, si dhe për të disiplinuar trafikun.