Anëtarët e grupit të famshëm të muzikës pop në vitet 1990, Backstreet Boys janë fotografuar duke festuar si në kohët e rinisë, mbi një jaht në gjirin e Sidneit, fundjavën e kaluar. Protagonisti i festës ishte edhe protagonisti i grupit, Nick Carter, i preferuari i vajzave në kohën kur këndonin hitet e tyre.
43-vjeçari nuk dukej në formën e tij më të mirë, pasi kishte shtuar shumë kilogramë, por nuk nuk e pengonte të shijonte festën, bashkë me anëtarët e tjerë të grupit, Brian Littrell, 48 vjeç, dhe Kevin Richardson, 51.
Me shampanjë dhe pije të shumta në duar, këngëtarët, të cilët janë duke realizuar një tur botëror ku kanë rikthyer këngët më të suksesshme, u panë të shijonin diellin dhe luksin e jahtit.
Nick duket se po kërkon të lërë pas tragjedinë e vdekjes së vëllait të tij, Aaron Carter, gjithashtu këngëtar, i cili ndërroi jetë vitin e kaluar. Në janar, ai realizoi një koncert bamirësie, ku mblodhi 150 mijë dollarë të cilat iu dhuruan një spitali për fëmijët me probleme të shëndetit mendor.
Post comments (0)