Ambicia e “Jeep”. “Avenger”-i plotësisht elektrik vjen në Europë në 2023-shin!

“Jeep”  po zbulon fazën tjetër të modelit të tij tërësisht elektrik në përpjekjen për t’u bërë lider global në segmentin SUV me emetime zero.

“Jeep” do të prezantojë katër SUV elektrikë të ri në Amerikën e Veriut dhe Evropë deri në vitin 2025, dhe i pari në seri është “Avenger”.

Si pjesë e një plani gjithëpërfshirës të vazhdueshëm të produktit, 50% e shitjeve të markës “Jeep” në SHBA do të jenë plotësisht elektrike deri në vitin 2030.

Ndërsa 100% e shitjeve evropiane do të jenë plotësisht elektrike deri atëherë.

Plani mbështet plotësisht objektivat për emetimet neto zero të karbonit që grupi Stellantis vendosi si objektiv gjatë planit strategjik afatgjatë “Dare Forward 2030”.

“Jeep”  tregoi kështu fotot e para të dy SUV-ve elektrikë, “Jeep Recon” dhe “Wagoneer” tërësisht të ri, të cilët do të mbërrijnë në Amerikën e Veriut por edhe në tregje të tjera në mbarë botën, ndërsa “Jeep Avenger”  i ri dhe tërësisht elektrik do të jetë në tregun evropian në fillim të 2023-shit.