Alec Baldwin shpallet i pafajshëm për vdekjen e Halina Hutchins

Alec Baldwin është shpallur i pafajshëm për të shtënat fatale në xhirimet e filmit “Rust” që i mori jetën Halina Hutchins.

Një ditë para se të jepej vendimi për akuzat për vrasje nga pakujdesia kundër tij, aktori e bëri kërkesën e tij në gjykatë në Santa Fe, New Mexico.

Sa i përket kushteve të lirimit të tij, gjykata urdhëroi që ai të mos lejohej të konsumonte alkool, të posedonte armë ose të fliste me dëshmitarë të mundshëm, përveç nëse do të vazhdonte xhirimet e “Rust”.

Baldwin dhe Gutierrez do të përballeshin me dënim me burg, maksimumi prej 18 muajsh nëse shpallen fajtorë. Gjithashtu, Dave Halls, ndihmësi kinetisti, u deklarua fajtor për një akuzë për përdorim të pakujdesshëm të një arme vdekjeprurëse.

“Nëse ndonjë nga këta tre persona do të kishte bërë punën e tyre, Halina Hutchins do të ishte gjallë sot. Është kaq e thjeshtë”, tha prokurori special, duke shtuar: Dëshmitë tregojnë qartë një model të mospërfilljes kriminale për sigurinë në setin e filmit “Rust”. Nuk ka vend në New Mexico për sete filmash që nuk e marrin seriozisht angazhimin e shtetit tonë për sigurinë e armëve dhe sigurinë publike.

Gjuajtja fatale

Arma që mbante aktori i njohur Alec Baldwin qëlloi në xhirimet e filmit “Rust” në rrethana të panjohura, duke vrarë drejtore e kinetisten dhe duke plagosur regjisorin.

Sipas asaj që dihet për ngjarjen tragjike, ylli 63-vjeçar ishte duke xhiruar një skenë për filmin në Rancho Bonanza Creek, pranë Santa Fe, New Mexico, kur një armë në xhirime si një objekt mbështetës qëlloi, rreth orës 13.50 të së enjtes (me orën lokale). 42-vjeçarja e cila ishte, drejtore e fotografisë Halina Hutchins u vra, ndërsa u plagos edhe 48-vjeçari Joel Souza, drejtor i Western-it.