Albatrosi më i vjetër në botë lëshon vezë

Albatrosët jetojnë nga 12 deri në 40 vjet, por jo ky që shihni në këto pamje. I quajtur Wisdom ky albatros është vënë në fokus të mediave të huaja pasi ka lëshuar vezë në moshën 74-vjecare.

Pas një periudhe të gjatë vetmie albatrosi gjeti një partner të ri dhe bëri këtë vezë për të cilën të dy po kujdesen shumë. Wisdom gjeti një partner këtë vit pasi ai i mëparshmi, ishte zhdukur disa vite më parë.

Në përgjithësi albatrosët qëndrojnë çift për gjithë jetën, por Wisdom është përjashtim. Albatrosët e çiftëzuar zakonisht ribashkohen çdo vit dhe rrisin të vegjlit e tyre.

Ky zog ka prodhuar deri në 60 vezë dhe ka lindur deri në 30 zogj gjatë jetës së saj. Wisdom ka zgjuar kureshtjen e biologëve të cilët janë të etur të zbulojnë se si arrin të jetojë kaq gjatë dhe të ketë ende të vegjlit e saj.