Aeroporti i Vlorës, Rama publikon pamje nga punimet: Përfundon shtresa e parë e pistës

Ka përfunduar shtresa e parë e pistës së aeroportit ndërkombëtar të Vlorës. Kështu ka deklaruar kryeministri Edi Rama në rrjetin social Facebook teksa ka publikuar dhe pamjet.

“Mirëmëngjesi dhe me përfundimin e shtresës së parë të pistës së aeroportit ndërkombëtar të Vlorës, ju uroj një javë të mbarë”, shkruan Rama. Punimet për ndërtimin e aeroportit të Vlorës kanë nisur në muajin nëntor të 2021-shit. Ndërtimin e Aeroportit të Vlorës kryeministri Rama e ka konsideruar si vepër historike.