Adele në kopertinën e “Elle”. “Nuk kam qenë kurrë e dashuruar si tani!

Adele ka dhënë një vështrim të rrallë për jetën e saj private, duke thënë se “nuk ka qenë kurrë e dashuruar kështu” dhe është “e fiksuar” pas të dashurit të saj, agjentit sportiv, Rich Paul.

Këngëtarja, e cila  ka një djalë, Angelon  me ish-bashkëshortin e saj Simon Konecki, konfirmoi lidhjen e saj me Rich në shtator 2021.

Adele ishte goxha e ngushtë në lidhje me romancën e saj të re fillimisht, por tani duket se është gati t’i thotë të gjitha për partnerin e saj dhe është plotësisht e gatshme të martohet.

Duke folur në intervistë  për 40-vjeçarin Rich – i cili është themeluesi i kompanisë menaxhuese ‘Klutch Sports Group’,  që përfshin yje të profilit të lartë si LeBron James, Anthony Davis dhe John Wall – ajo tha: “Nuk kam qenë kurrë në një dashuri si kjo. Jam e fiksuar”.

E pyetur nëse dëshiron të martohet sërish, Adele nuk ka ngurruar të thotë po: “Po, absolutisht”, përpara se t’i përgjigjet thashethemeve të fejesës.

Kur u pyet për fejesën Adele tha  “Unë nuk jam e fejuar. Unë thjesht dua bizhuteri të nivelit të lartë”.