Adele e emocionuar zbulon gjininë e bebit të fanses të saj gjatë koncertit: Shumë e lumtur për ju

Një moment prekës ka përjetuar Adele gjatë koncertit që dha në Las Vegas. Ylli i muzikës pati mundësinë të zbulonte gjininë e bebes të një çifti që ishte i pranishëm në koncert.Konkretisht, Chris Dear dhe bashkëshortja e tij, Sandel Lord, ndodheshin në Colosseum në Caesars Palace, ku po zhvillohej koncerti dhe i kërkuan këngëtares një nder.

Gjatë spektaklit, ata i kërkuan asaj të bënte një zbulim për gjininë e foshnjës së tyre. Pak më vonë, ajo i thirri në skenë dhe u tha se ishte dakord ta bënte atë.

Siç raportoi fansja e saj, ajo dhe bashkëshorti i saj kishin tashmë rezultatet e gjinisë së foshnjës që në javën e 12-të, por ata pritën për të qenë në koncertin e Adelës që ajo t’ua zbulonte.

Këngëtarja u ul në buzë të skenës dhe e emocionuar thirri: “Sandelle dhe Chris janë në pritje të një djali, ndërsa publiku shpërtheu në duartrokitje dhe ajo vetë në lot emocionesh.

“Jam shumë e lumtur për ju, shumë e lumtur. Oh zot, është kaq emocionuese ”, shpjegoi Adele.

Go easy on E!, we're just as emotional as Adele after watching this gender reveal. 😭 ❤️ (🎥: Chris Dare) pic.twitter.com/rKuAmcK9K2

— E! News (@enews) August 14, 2023