Jo patjetër palestër, kilet e tepërta mund t’i digjni edhe në shtëpi

Humbja e peshës nuk kërkon domosdoshmërisht një orar rraskapitës në palestër. Mund të humbim kilogramë edhe duke bërë punë të thjeshta shtëpiake. Trajnerët personalë Eliza Flynn dhe Anthony Mayatt për Womens Health, shpjegojnë se:

“Nuk keni nevojë të shkoni në palestër për të djegur kalori. Edhe gjëra të tilla si gjumi dhe qëndrimi në këmbë ‘djegjin kalori’. Termi NEAT (termogjeneza e aktivitetit jo-stërvitor) i referohet energjisë që një person konsumon për të kryer aktivitetet e përditshme pa u ushtruar.

Duke bërë gjëra të thjeshta si ecja nga një dhomë në tjetrën, mund të digjni lehtësisht kalori. Ekspertët pohojnë se këto aktivitete të thjeshta ditore mund t’ju ndihmojnë të digjni 2100 kalori shtesë në muaj. Sigurisht që numri i saktë i kalorive që një person djeg ndikohet nga shumë faktorë.

Punët e shtëpisë që djegin më shumë kalori:

Transporti i produkteve të blerjeve

Mbajtja e çantave për blerje është punë e vështirë, por mund t’ju ndihmojë të digjni kalori. Nëse kaloni 20 minuta duke ecur në shtëpi nga supermarketi, do të digjni 61 kalori. Nëse dëshironi të rrisni kaloritë, mbani çanta më të rënda.

Larje

Kur laheni duke qëndruar në këmbë për 20 minuta, mund të digjni deri në 44 kalori. Ekspertët shpjegojnë se sa më intensiv të jetë fërkimi, aq më shumë kalori digjni.

Pastrimi i shtëpisë

Lyerja, dekorimi apo edhe rregullimi për 20 minuta mund të djegë deri në 81 kalori. Një pastrim i përgjithshëm mund t’ju ndihmojë të digjni shumë kalori. Fshirja me korrent, hekurosja, varja e rrobave, kërkon lëvizje të trupit dhe ju ndihmon të qëndroni aktiv nëpër shtëpi.

Kopshtari

Kopshtaria është një aktivitet intensiv. Kositja e lëndinës kërkon ecje, ndërsa mbjellja e luleve kërkon përkulje, qëndrim në këmbë dhe përgjithësisht lëvizje në të gjitha drejtimet. Mund të digjni mbi 100 kalori duke mbjellë fruta dhe perime për 20 minuta.