10 vendet më të mira në botë për të jetuar pas daljes në pension

Revista Travel & Leisure ka përpiluar një renditje me 10 vendet më të mira për të jetuar pas daljes në pension. Duke shqyrtuar faktorë të ndryshëm si klima, elementet natyrore dhe artistike, avantazhet tatimore, nivelin e sistemit shëndetësor, cilësinë dhe koston e jetesës, ai identifikoi vendet më të përshtatshme për një pensionist mbi 70 vjeç.

Panamaja garanton një klimë të butë dhe një mjedis mikpritës për të jetuar. Çmimi i jetesës është mesatar dhe i arritshëm për të gjithë, veçanërisht për perëndimorët. Sistemi shëndetësor është publik dhe privat.

Portugalia është një nga destinacionet e preferuara për pensionistët italianë, edhe për shkak të taksimit të rezervuar për shtetasit e huaj të moshuar që është shumë i përshtatshëm.

Republika Domenikane është një ishull tropikal i lirë plot me vende më shumë turistike si Punta Cana, Puerto Plata dhe Boca Chica.

E katërta në renditje është Spanja, e cila shquhet për klimën, ushqimin, praninë e resorteve bregdetare dhe qyteteve të mëdha, si dhe për trashëgiminë e saj artistike.

Duke lëvizur gjithmonë në Amerikën Qendrore, Kosta Rika shtrihet nga deti i Karaibeve në Oqeanin Paqësor, me plazhe dhe pyje lumenjsh.

Malta ofron një klimë të ngrohtë dhe të butë gjatë gjithë vitit dhe sistemi i saj shëndetësor privat rekomandohet nga “Travel & Leisure” për të huajt që nuk kanë akses në objektet e kujdesit publik.

Kostoja e ulët e jetesës dhe një mjedis tropikal e bëjnë Ekuadorin një vend të përshtatshëm për të dalë në pension.

Meksika është një vend i pasur me bukuri natyrore. Sistemi shëndetësor është publik dhe mbulon banorët me të ardhura të ulëta.

Mes plazheve, pyjeve tropikale dhe maleve, një kosto të ulët jetese për ata që vijnë nga jashtë, Kolumbia është vendi ideal për të kaluar pleqërinë.

Në SHBA, Florida është shteti i preferuar për amerikanët që dalin në pension, një vend me klimë të butë, bregdet dhe plazhe të shkëlqyera, si dhe shërbime të dedikuara për të moshuarit./