Zjarret në Kaliforni kërcënuan qindra shtëpi

Një zjarr ka përfshirë qytetin e Malibusë në Kaliforninë Jugore. I ashtuqujaturi Frenklin u përhap gjatë natës duke prekur qytetin piktoresk bregdetar me rreth 10,000 banorë një pjesë e të cilëve janë personazhe të njohur të shoubizit.

Zjarri ndërpreu energjinë elektrike për shumë banorë ndërsa u mbyllën edhe shumë akse rrugore.

Rreth 6,000 banorë janë urdhëruar të evakuohen për shkak të përhapjes së zjarrit.

Nga flakët e mëdha nuk janë raportuar të lënduar, sipas shefit të zjarrfikësve të Los Anxhelosit, Anthony Marrone, në një konferencë për shtyp.