Shkëlqimi i tapetit të kuq në “Grammys 2025”

Tapeti i kuq i ceremonisë “Grammy 2025” ishte plot me momente të paharrueshme mode.

Megjithatë, duke marrë parasysh se në ceremoninë e këtij viti u nderuan viktimat dhe ata që ndihmuan gjatë zjarreve të fundit në Los Angeles, shumë të  ftuar zgjodhën të mbanin veshje më të thjeshta.

Me ngjyrë të zezë, një trend i njohur në ngjarje të tilla, ishin veshur shumë të ftuar, duke përfshirë këngëtaren Miley Cyrus me një fustan nga brendi “Saint Laurent” dhe artisten Olivia Rodrigo, që kishte një fustan me litarë nga brendi “Versace”.

Këngëtarja Lady Gaga u paraqit në tepih të kuq me një fustan të gjatë nga brendi “Vivienne Westwood”.

Disa të tjerë e trajtuan ngjarjen me një qasje më të lehtë, si artisti J Balvin me një xhaketë të mëndafshtë nga marka  “Dior” dhe këngëtarja Billie Eilish që i shtoi një kapelë kostumit të saj “Prada”.