Probleme muskulore, dy lojtarë të Kombëtares stërviten të diferencuar

Probleme në përgatitjet e Shqipërisë, për dy ndeshjet e Ligës së Kombeve. Kristjan Asllani dhe Myrto Uzuni, kanë shfaqur probleme muskulore dhe janë stërvitur të diferencuar këtë të martë.

Me grupin sot, u bashkuan edhe Nedim Bajrami, Arbër Hoxha dhe Qazim Laçi, të cilët kishin angazhime me klubet e tyre.

Përsa i përket pjesës tjetër të grupit, të gjithë lojtarët u stërvitën normalisht dhe morën ngarkesën e plotë. Stërvitja e sotme nisi me punën në palestër e më pas trajneri Silvinjo së bashku me ekipin provuan disa situata të ndryshme loje dhe ana taktike.