Përfundon Loti 2 i Unazës Lindore në Tiranë, Kryeministri Rama publikon pamjet

Kanë përfunduar punimet në lotin 2 të Unazës Lindore në Tiranë. Lajmin e ka njoftuar kryeministri Edi Rama i cili ka publikuar në rrjetin social Facebook edhe pamjet nga ky lot.

“MIRËMËNGJES dhe me Lotin 2 të Unazës Lindore në kryeqytet tashmë i përfunduar, ju uroj një ditë të mbarë”, shkruan kryeministri Edi Rama. Loti dy është pjesë e unazës lindore që fillon nga TEG deri në Shkozë.

Gjatë inspektimit të punimeve në lotin 2 të Unazës Lindore, ministrja Balluku ka deklaruar se afati i fundit i përfundimit do të ishte data 31 gusht.

“Me përfundimin e këtij loti ku ne ndodhemi sot, kemi lidhjen e të tre lotëve duke qenë se lotin e  parë ne e kemi hapur për akses, nga TEG deri në Farkë, edhe pjesën tjetër nga Brryli deri në Shkozë, kështu që na ngelet ky lot i cili bën të gjithë integrimin e pjesës Lindore të Unazës duke krijuar kështu dhe mundësinë për të vazhduar me kantieret e reja të cilat do  të hapen nga Shkoza për në Bulevardin e Ri dhe nga Bulevardi i Ri për tek sheshi “Shqiponja””, ka thënë më herët Balluku.