Ngjarjet në Rumani, Federata e Kosovës konfirmon ankesën në CAS

Federata e Futbollit të Kosovës, ka konfirmuar ankesën në CAS, në lidhje me ngjarjet e ndodhura në Rumani më 15 Nëntor, në Ligën e Kombeve.

Kosova ka paraqitur ankesën ndaj vendimit të UEFA-s, që i dha fitoren 3-0 Rumanisë, pasi lojtarët “dardanë” braktisën ndeshjen, për shkak të thirrjeve anti-shqiptare nga tifozët.

Kujtojmë se ndeshja u braktis nga Kosova në minutat e fundit kur ishte 0-0 dhe pavarësisht kërkesës së arbitrit, lojtarët dhe stafi refuzuan të rikthehen në fushë. UEFA, vendosi t’i japë fitore Rumanisë në tavolinë, por FFK e ka çuar çështjen në CAS, aty ku kërkojnë ndryshimin e vendimit.