Kompania zvicerane prodhon orën luksoze me portretin e Skënderbeut

Kompania e famshme e prodhimit të orëve Franck Muller ka nxjerrë në treg një model të quajtur “Vanguard Racing Skenderbeu”.

Bëhet fjalë për një model të limituar me fushë të kuqe, në sfond të së cilës duket shqiponja dykrenare dhe portreti i Gjergj Kastriot Skënderbeut është në qendër i punuar në ar.

Kompania me seli në Gjenevë ka prodhuar gjithsej 25 copë në çelik inox dhe 50 copë në titan të zi.

Çmimi për orët e thjeshta Franck Muller varion nga 5 mijë deri në 7500 euro, ndaj një model i kufizuar si ky me Skënderbeun mund të kalojë 10 mijë euro.