Karta ditëlindje të nënshkruara nga Mbreti Charles III

Grupi i parë i kartave të ditëlindjes të nënshkruara nga Mbreti Charles III i Britanisë dhe Mbretëresha Camilla iu dorëzuan 100-vjeçarëve që festonin ditëlindjet e tyre këtë javë.

Kartolina e ditëlindjes kishte një fotografi të mbretit Charles dhe Camillas nga viti 2018 në pjesën e përparme dhe nënshkrimet e tyre brenda.

Sipas mediave lokale, disa veteranë të Luftës së Dytë Botërore ishin në mesin e personave që morën kartolinat e ditëlindjes nga çifti mbretëror.

Postimi i mesazheve për të shënuar ditëlindje dhe përvjetorë të rëndësishëm është një traditë që daton që nga viti 1917 dhe mbretërimi i Mbretit Xhorxh V, kur atyre që festonin 100-vjetorin ose 60-vjetorin e martesës iu dërgua një telegram urimesh nga Madhëria e Tij.