Festivali i Kanës 2024: Meryl Streep nderohet me Palmën e Artë të Nderit

Meryl Streep ishte e ftuar nderi në hapjen e Festivalit të Filmit në Kanë të martën. Meryl Streep është në mesin e figurave të shquara të Hollywood që kanë zbritur në Cote d’Azur për festivalin që zgjat deri më 25 maj, duke përfshirë regjisorët legjendar George Lucas dhe Francis Ford Coppola. “Jam shumë mirënjohëse që nuk jeni sëmurur nga fytyra ime”, tha Meryl Streep, 74 vjeçe, me shaka teksa mori Palmën e Artë të nderit nga aktorja franceze Juliette Binoche.

Binoche ia dorëzoi çmimin Meryl Streep me një fjalim të përlotur, duke i thënë se ajo kishte “ndryshuar mënyrën se si i shikojmë gratë”. Streep ka qenë vetëm një herë në Kanë më parë në vitin 1989, kur fitoi çmimin për ‘Aktoren më të mirë’ për ‘A Cry in the Dark’. “Tridhjetë e pesë vjet më parë kur isha këtu herën e fundit, isha nënë e tre fëmijëve, mbushja 40 vjeç dhe mendova se karriera ime kishte mbaruar. Dhe kjo ishte diçka e pritshme për aktoret në atë kohë.” -tha ajo.

Ceremonia e së martës mbrëma i ishte dedikuar Streep, madje me muzikën që korrespondonte me një nga rolet e saj më të preferuar nga fansat në “Mamma Mia”. Kënga e ABBA-s u luajt jashtë në tapetin e kuq, ndërsa “The Winner Takes It All” dhe “Dancing Queen” u luajtën teksa ajo pranoi Palmën e Artë.