10 miliardë dëgjime në “Spotify”. Dua Lipa,këngëtarja e parë që e arrin këtë!

Dua Lipa ka hyrë në historinë e platformës muzikore Spotify pasi albumi i saj “Dua Lipa (Complete Editon)” ka kaluar shifrën e mbi 10 miliardë dëgjime.

Bazuar në këtë, 27-vjeçarja bëhet artistja e parë femër albumi i të cilës arrin këtë shifër dhe i tretë në përgjithësi në Spotify me një sukses të tillë.

Lajmi u publikua edhe nga një faqe e fansave të artistes, që gjithashtu u ripostua nga Dua në llogarinë e saj të Instagramit.

Ndërkohë, aktualisht Dua po vazhdon koncertet nga turneu i saj “Future Nostalgia”, i cili  mbyllet më 16 nëntor në Perth të Australisë.

Ndërsa, sa i përket jetës private, ylli i muzikës së fundmi u fotografua në një darkë me komedianin dhe prezantuesin televiziv, Tervor Noah.

Dyshja e njohur që u panë të afërt me njëri-tjetrin kanë ngjallur spekulime se kanë nisur një romancë.