Po dëmton shëndetin mendor të fëmijëve! Paditet Tik-Tok

Trembëdhjetë shtete amerikane po padisin “TikTok”  me pretendimet se po dëmton shëndetin mendor të fëmijëve dhe nuk bën mjaft për t’i mbrojtur ata.

Paditë pretendojnë se aplikacioni për ndarjen e videove është krijuar për varësi dhe për t’i mbajtur adoleshentët pas ekranit.

Bëhet e ditur se veprimi ligjor është një tjetër goditje për aplikacionin  qe  tashmë përballet me një ndalim të mundshëm nga SHBA për shkak të frikës se mund t’i japë të dhëna qeverisë së Pekinit.

“Të rinjtë po luftojnë me shëndetin e tyre mendor për shkak të platformave të rrjeteve sociale të varura si TikTok”, tha prokurorja e përgjithshme e New Yorku-t Letitia James.

Ato që paditin janë: Kalifornia, Illinois, Kentaki, Luiziana, Masaçusets, Misisipi, Nju Xhersi, New York, Karolina e Veriut, Oregon, Karolina e Jugut, Vermonti, Uashingtoni, si dhe Uashington DC.

Zëdhënësi i TikTok, Alex Haurek tha se ishte i shqetësuar që shtetet nuk kishin zgjedhur të punonin me shërbimin për shqetësimet e tyre.

“Ne nuk pajtohemi fuqimisht me këto pretendime, shumë prej të cilave besojmë se janë të pasakta dhe mashtruese”, tha ai.