“Met Gala” e vitit të ardhshëm ka stil mashkullor!

Tema e radhës për ngjarjen më të madhe të modës në botë është caktuar e po ashtu edhe mikpritësit.

Williams dhe Hamilton ishin në detyrë  për të  ndihmuar zyrtarëve të Muzeut Metropolitan të Artit në New York për ta publikuar temën “Superfine: Tailoring Black Style” të ekspozitës së veshjeve që do të mbahet në pranverën e ardhshme.

Kodi i veshjes do të bëhet i ditur në fillim të vitit të ardhshëm.

Kjo është ekspozita e parë e veshjeve që MET bën për gati 20 vjet, e cila ekskluzivisht do të fokusohet te veshjet e burrave, gjë që shpjegon përzgjedhjen e nikoqirëve që ka bërë kryeredaktorja e prestigjiozes “Vogue”, Anna Wintour, organizatore e ngjarjes çdo vit.

Në këtë ngjarje grumbullohen edhe fonde. Mbrëmja e vitit të shkuar ka grumbulluar 26 milionë $, shumë kjo rekorde për një ngjarje të tillë.

Ekspozita “Superfine: Tailoring Black Style” do të hapet për publikun nga 10 maji deri më 26 tetor të vitit të ardhshëm.