“Deadpool & Wolverine”, filmi që tashmë ka një vend në Guiness!

Aktorët e famshëm, Ryan Reynolds dhe Hugh Jackman janë shpërblyer me tituj të “Guiness World Record”(GWR) për  filmin e tyre  të ri “Deadpool & Wolverine”.

Super heronjtë e Marvelit u befasuan me certifikata nga “GWR” gjatë intervistës në emision me Alison Hammond.

Traileri i filmit të tyre theu rekordin si traileri më i shikuar brenda 24 orëve.

Reklama e filmit, e cila për herë të parë u shfaq në spektaklin Super Bowl, mblodhi 365 milionë shikime në mbarë botën në të gjitha platformat nga 11 deri me 12 shkurt.

Si bashkëpronar i klubit të futbollit Wrexham, Reynoldsit ju dha fillimisht një certifikatë nga Guinessi që njihte “Racecourse Ground” të Wrexhamit të Uellsit, si stadiumin më të vjetër të futbollit, i cili ka qenë në përdorim për 147 vjet.