Artistja Taylor Swift pritet të hyjë në histori për shifrat rekord të fitimeve gjatë turneut!

Këngëtarja e njohur Taylor Swift po zhvillon turneun e saj madhështor, ku njerëz nga e gjithë bota kanë blerë bileta e janë të apasionuar për të dëgjuar muzikën e Swift ndër vite. Me sa duket, “The Eras Tour” do të hyjë në histori për shkak të shifrave marramendëse që këngëtarja po fiton nëpërmjet pjesëmarrjes së mbështetësve të muzikës së saj.

Ajo thuhet se është duke fituar mbi 13 milion dollarë për çdo shfaqje. Tashmë, ajo është në rrugën e duhur për të fituar mbi 1 miliardë dollarë gjatë të gjithë turneut, duke qenë kështu në ritmin për të realizuar turneun me fitimet më të larta të të gjitha kohërave.

Bileta mesatare për të marrë pjesë në një shfaqje nga turneu është 254 dollarë. Çmimi i kësaj bilete është rritur 134 dollarë nga turneu i fundit i Taylor 5 vjet më parë.