Listeners:
Top listeners:
play_arrow
LIVE CLUB FM SHQIPËRI
play_arrow
LIVE CLUB FM KOSOVË KOSOVË
play_arrow
LIVE RADIO SHQIP DËGJO SHQIP
play_arrow
LIVE SHQIP POPULLORE Vëtëm Këngë Popullore
play_arrow
LIVE CLUB BAR
play_arrow
LIVE CLUB BAR BIT
Një premtim i bërë me humor është kthyer në një vendim konkret për këngëtarin britanik James Blunt. Artisti ka nisur procedurat për të ndryshuar emrin e tij, pasi albumi i fundit arriti një sukses të rëndësishëm në tregun muzikor britanik.
Gjithçka nisi si një sfidë e pazakontë. Blunt kishte deklaruar se nëse albumi i tij i tetë, “Airplane Mode”, do të ngjitej në vendin e parë të klasifikimeve në Mbretërinë e Bashkuar, ai do të ndryshonte emrin në Ryan Air, në një referencë humoristike ndaj kompanisë ajrore Ryanair.
Por, pasi albumi arriti objektivin dhe kryesoi listat muzikore, këngëtari duket se vendosi të mos tërhiqej nga fjala e dhënë. Madje, ai ka surprizuar edhe më shumë fansat me zgjedhjen e re.
Në dokumentin e aplikimit për ndryshimin e emrit, të cilin e publikoi në rrjetet sociale, emri i ri shfaqet si Ryan Bel Air. Për këtë procedurë, artisti ka paguar 53.05 paund, ndërsa ende nuk është konfirmuar nëse kërkesa është miratuar përfundimisht.
Përtej humorit, ky sukses ka një domethënie të veçantë për karrierën e tij. “Airplane Mode” është albumi i parë i James Blunt që arrin vendin e parë në klasifikimet britanike pas plot 19 vitesh. Herën e fundit që ai kishte shënuar një rezultat të tillë ishte në vitin 2007, me albumin “All the Lost Souls”.
Kjo nuk është hera e parë që këngëtari bën premtime të tilla. Në vitin 2024, ai kishte deklaruar se do të merrte emrin humoristik “Blunty McBluntface” nëse ribotimi i albumit “Back to Bedlam”, me rastin e 20-vjetorit, do të arrinte vendin e parë. Por albumi u rendit në vendin e shtatë dhe ndryshimi nuk u realizua.
Ndërkohë, edhe bashkëshortja e tij, Sofia Wellesley, e ka përgëzuar për suksesin, por me një koment plot humor. Ajo u shpreh se ishte krenare për të, duke shtuar se nuk kishte ndërmend të ndryshonte mbiemrin e saj.
Tashmë, fansat presin të mësojnë nëse James Blunt do të bëhet zyrtarisht Ryan Bel Air, apo nëse ky ndryshim do të mbetet një tjetër episod argëtues në karrierën e tij.
Written by: Neada Mucaj
Copyright Radio Club FM
Post comments (0)