Zërat për largim, Maignan: Jemi të zhgënjyer

Mike Maignan është një nga emrat që kohët e fundit përflitet se mund të largohet nga Milani. Portieri francez, ka qenë një nga pikat kyçe të kuqezinjve në vitet e fundit dhe largimi i tij do të linte një boshllëk të madh.

Megjithatë, në një postim të bërë së fundmi, Maignan jep shenja se do të qëndrojë te Milani.

“Kemi mbyllur një sezon të vështirë. Të gjithë ata që e duan, luajnë apo mbështesin Mlanin, janë të zhgënjyer. Nuk ka justifikime, ne jemi Milani. Për të gjithë tifozët, me mbështetjen tuaj, Milani mbetet Milan”, shkruan Maignan.

29-vjeçari ka edhe një vit kontratë me Milanin, ndërsa ekziston mundësia për rinovimin e saj në javët e ardhshme.