Vllaznia kualifikohet në finalen e titullit, eliminohet Dinamo

Vllaznia ka siguruar kualifikimin në finalen e madhe të titullit kampion. Shkodranët triumfuan 2-1 ndaj Dinamos, në stadiumin “Arena Kombëtare” në kryeqytet.

Shkodranët iu falën dy golave të shënuar nga Bekim Balaj me penallti në pjesën e parë, për të prerë biletën për në finale.

Dinamo reagoi vetëm në pjesën e dytë, ku shënoi gol me Mandelën, ndërsa kishte dhe disa raste të tjera të pastra, por pa arritur t’i konkretizojnë.

Vllaznia bëhet ekipi i parë që kualifikohet në finalen e titullit dhe pret të mësojë kundërshtarin, që do të jetë një mes Egnatias dhe Partizanit.