VAR-i do të drejtohet nga qendra në “Shtëpinë e Futbollit”

Federata Shqiptare e Futbollit ka njoftuar se nga sezoni i ardhshëm, sistemi VAR në futbollin shqiptar do të funksionojë nga një qendër e përhershme e dedikuar, e ndërtuar në “Shtëpinë e Futbollit”

Ky hap, sipas FSHF-së, është ndërmarrë për modernizimin dhe rritjen e standardit të arbitrazhit shqiptar, duke e sjellë atë në një linjë me praktikat më të mira europiane.

Përveç ndeshjeve të elitës, kjo qendër do të shërbejë edhe për ndeshje të zgjedhura nga kampionati i Kategorisë së Parë, apo kampionatet e tjera në varësi të sfidave.