Uzuni drejt transferimit në Serinë A italiane

Myrto Uzuni mund të rikthehet së shpejti në futbollin europian. Sulmuesi shqiptar, aktualisht pjesë e Austin në MLS, po shqyrton mundësinë për t’u larguar nga kampionati amerikan në fund të vitit 2025.

Sipas “TuttoCagliari”, lojtari dëshiron të rikthehet në një kampionat më konkurrues pas eksperiencës në SHBA. Ky qëndrim ka tërhequr interesin e disa klubeve, veçanërisht të Cagliarit në Serie A.

Deri tani nuk ka negociata të avancuara, por kontaktet pritet të intensifikohen në javët në vijim.