Shqipëria U-17 mposhtet nga Kroacia

Kombëtarja U-17 luajti ndeshjen e dytë në raundin e parë të kualifikueseve të Kampionatit Europian 2026 ndaj Kroacisë.

Ndeshja e zhvilluar në stadiumin “Trate Nedelisce” u mbyll me fitoren e Kroacisë 3-0.

Kroacia mori avantazhin në minutën e 10-të me Luka Bartolovic. Në minutën e 26-të Matej Milicic dyfishoi rezultatin, ndërsa Juraj Frigan shënoi të tretin në të 35-ën.

Gjatë pjesës së dytë Shqipëria u përpoq të reagonte, duke krijuar disa mundësi për shënim, por pa arritur të gjejë rrugën e rrjetës. Takimi u mbyll me shifrat 3-0 për Kroacinë.

Përballja e fundit për Kombëtaren U-17 në raundin e parë kualifikues do të jetë ndaj Kazakistanit më 17 nëntor në orën 11:30.