Shqipëri – Letoni/ Nga sot dalin në shitje biletat fizike pranë stadiumit “Air Albania”

Federata Shqiptare e Futbollit njofton se, nga sot, të gjithë tifozët e Kombëtares kanë mundësi të blejnë biletat fizikisht për ndeshjen Shqipëri – Letoni, e vlefshme për kualifikueset e Kupës së Botës 2026, më 9 shtator.

Departamenti i Komunikimit në FSHF bën të ditur se biletat mund të blihen direkt në pikën e shitjes pranë hyrjes së tribunës kryesore të stadiumit “Air Albania”. Pika fizike e shitjes do të jetë e hapur çdo ditë nga ora 10:00 deri në 18:00.