Shoqata Italiane e Trajnerëve kërkon pezullimin e Izraelit nga garat ndërkombëtare

Shoqata Italiane e Trajnerëve të Futbollit (AIAC) i ka dërguar një letër Federatës Italiane të Futbollit (FIGC), ku kërkon që të bëhet apel pranë FIFA-s dhe UEFA-s për pezullimin e përkohshëm të Izraelit nga garat ndërkombëtare.

Vendimi u mor unanimisht nga Këshilli Drejtues Kombëtar i AIAC, pas mbledhjes së thirrur nga presidenti Renzo Ulivieri. Në apel theksohet se kjo nismë është një zgjedhje e domosdoshme, me synim mbështetjen e popullit palestinez, pas sulmeve në Gaza. Ulivieri u shpreh se sporti nuk mund të qëndrojë indiferent ndaj pasojave të rënda të konflikteve.

Në të njëjtën linjë ishin edhe zëvendëspresidentët. Giancarlo Camolese shtoi se nuk është e drejtë të vazhdohet thjesht me lojën duke mbyllur sytë ndaj situatës.

Zëvendëspresidenti tjetër, Pierluigi Vossi theksoi se mes viktimave ka edhe shumë sportistë, çka e bën më të nevojshme reagimin ndërkombëtar.

“Ka shumë njerëz që vdesin, pa pasur asnjë faj. Midis tyre shumë sportistë. Një arsye më shumë për kët kërkuar reagim ndërkombëtar, përfshirë edhe sektorin tonë”, theksoi ai.

Francesco Perondi nënvizoi se indiferenca ndaj vuajtjeve të popujve, përfshirë atë palestinez, nuk mund të pranohet.