Shaqiri shënon tripletë dhe ngjit Basel-in në krye

Vitet kalojnë, por Xherdan Shaqiri, vazhdon të bëjë atë që di më mirë, të shënojë gola. Sulmuesi me origjinë shqiptare, ishte protagonisti kryesor në fitoren 3-1 të Basel-it ndaj Servette në kampionat.

Shaqiri ishte autori i të tre golave të shënuar, duke i dhënë fitoren skuadrës së tij. Futbollisti 33-vjeçar zhbllokoi takimin në minutën e 40-të, me një supergol nga goditja e dënimit.

Me këtë fitore, Basel-i ngjitet në krye të renditjes në Zvicrës me 28 pikë të grumbulluara, po aq sa edhe Lugano e vendit të dytë.