Rama në Ukrainë, ndan videon nga takimi me Presidentin Zelensky

Kryeministri Edi Rama ka ndarë në Facebook video nga momenti i takimit me Presidentin e Ukrainës Volodomir Zelensky, në Kiev.

Edi Rama, së bashku me kryeministrin e Malit të Zi, Dritan Abazoviç dhe Ministren e Shtetit për Marrëdhëniet me Parlamentin Elisa Spiropali, kanë mbërritur në orët e para të mëngjesit të sotëm në Kiev. Ata kanë udhëtuar drejt Ukrainës për një vizitë zyrtare me ftesë të presidentit ukrainas Volodymyr Zelensky.

Gjatë vizitës në vendin që prej rreth katër muajsh është nën agresionin rus, ata  kanë vizituar disa prej qytezave të shkatërruara nga lufta si Borodjanka dhe Irpini, por mes tyre edhe Bucha-n, ku dhjetëra civilë u gjetën të masakruar dhe të lidhur nga forcat ruse.