PSG-ja siguron afrimin e mbrojtësit nga Premier League

Illia Zabarnyi do të jetë afrimi i radhës te Paris Saint-Germain. Mbrojtësi pritet të transferohet te kampionët e Francës në ditët e ardhshme.

PSG-ja ka arritur marrëveshjen me Bournemouth për transferimin e mbrojtësit ukrainas. Bëhet fjalë për një akord për 63 milionë euro, plus bonuse.

Më herët, PSG-ja arriti akordin për afrimin e portierit Lucas Chevalier nga Lille, i cili shihet si pasues i Gianluigi Donnarumma, i cili është në vitin e fundit të kontratës.

Sa i përket Bournemouth, klubi anglez do e zëvendësojë Zabarnyi me mbrojtësin Bafode Diakite nga Lille.